| abstract | - Carlo la grande ia es la re de la Francas. El ia uni la parte major de Europa ueste en la eda medieval temprana e ia crea la fundas per Frans e Deutxland moderna. El ia ateni la trono franca en 768 e ia deveni la re de Italia en 774. De 800, el ia deveni la imperor prima de la Impero Santa Roman - la person prima ci ia ateni la state de imperor de la eda de la Impero Roman. La stato franca cual el ia funda ia es nomida la Impero Carolan. An si Carlo ia ateni se rena sin la aida de la Pape, la reconose par la Pape ia dona un legalia divin en la mentes de se contemporas. El ia es la fio prima de Pepin la corta e Bertrada de Laon, e ia deveni la re en 768 pos la mori de se padre. A la comensa, el ia es co-re con se frate Carloman 1, ma la mori de se frate, en un situa nonesplicada, ia causa ce Carlo deveni la re solitar. Carlo ia continua la politica de se padre a la Pape e ia deveni se protejor. El ia elimina la controla par la Lombardes en Italia norde, e ia condui invades en Espania muslim. El ia campania ance contra la Saxones a se este, e cristiani los su la menasa de moria, cual ia culmina en avenis como la masacra de Verden. Carlo ateni la culmina de se potia en 800 cuando el ia es coronida como Imperor de la Romanes par Pape Leo 3 a natal a la basilica vea de San Petro. Nomida la padre de Europa (pater Europae), Carlo unida la parte major de Europa ueste per la ves prima pos la Impero Roman. Se rena ia stimula la Renasa Carolan, un periodo de ativia cultural e inteleto en la eglesa. La monarcias de e Frans e Deutxland ia pensa de se reias como la desendentes de la impero de Carlos. Carlo ia mori en 814, pos rena como imperor per plu ca 13 anios. He ia es reposada en se capitol Aachen en cual es aora Deutxland. Se fio Luis la relijiosa erita la trono.
|
