PropertyValue
rdfs:label
  • Alfred Adler
rdfs:comment
  • Alfred Adler ia nase en la suburbes de Wien en Osteraic a 7 febrero 1870, la enfante tre, la fio du, de un mercator iudi de gran e se sposa. Cuando un enfante, Alfred ia developa racite, cual ia preveni el de pasea asta cuando el ia ave cuatro anios. A sinco anios, el ia mori cuasi de pneumonia. A esta eda, el ia deside deveni un dotor medical. Alfred ia es un studiante promedia, e ia prefere jua a estra plu ce es prisonida en scola. El ia es estrovertida, poplal, e ativa, e ia es reconoseda per se atentas a suprapasa se frate plu vea, Sigmund.
imaje
  • 220
dcterms:subject
dbkwik:lfn/property/wikiPageUsesTemplate
Pais
Nom
  • Alfred Adler
dia de nase
  • 5
dia de mori
  • 28
loca de nase
profesa
  • Psiciatriste
loca de mori
  • Aberdeen, Scotland
abstract
  • Alfred Adler ia nase en la suburbes de Wien en Osteraic a 7 febrero 1870, la enfante tre, la fio du, de un mercator iudi de gran e se sposa. Cuando un enfante, Alfred ia developa racite, cual ia preveni el de pasea asta cuando el ia ave cuatro anios. A sinco anios, el ia mori cuasi de pneumonia. A esta eda, el ia deside deveni un dotor medical. Alfred ia es un studiante promedia, e ia prefere jua a estra plu ce es prisonida en scola. El ia es estrovertida, poplal, e ativa, e ia es reconoseda per se atentas a suprapasa se frate plu vea, Sigmund. El ia reseta se diploma medical de la Universia de Wien en 1895. En se anios a universia, el ia deveni juntada a un grupo de studiantes sosialiste, entre cual el ia trova se sposa futur, Raissa Timofeyewna Epstein. Raissa ia es un intelijente e un ativiste sosial ci ia veni de Rusia per studia en Wien. Los ia sposi en 1897 e ia ave ultima cuatro enfantes, de cual du ia deveni psiciatristes. El ia comensa se carera medical como un otalmolojiste, ma ia cambia pronto a un pratica jeneral, e ia funda se ofisia en la parte de Wien cual es de la clase basa, fasante la Prater, un combina de un parce divertinte e un sirco. Se cliente ia inclui persones de la sirco, e alga ia sujesta (Furtmuller, 1965) ce la fortias e debilias noncomun de la presentores ia condui el a se comprendes de la compensa de la inferiorias organal. Plu tarda, Adler ia verje a psiciatria, e en 1907 el ia es invitada per junta la grupo de discute de Sigmund Freud. Pos la scrive de articles sur la inferioria organal, cual ia acorda bon con la ideas de Freud, el ia scrive un article sur la instinto de ataca, cual Freud no ia aproba, e alora un article sur la senti de inferioria en enfantes, cual ia sujesta ce la instinto sesal debe es plu metaforal ce leteral. An si Freud ia nomi Adler la presidente de la Asosia Analisal de Wien e la coeditor de la jornal de novas de la organiza, Adler no ia para se criticas. Un debate entre la suportores de Adler e los de Freud ia es organizada, ma la resulta ia es ce Adler e nove otra membros de la organiza ia resinia per fundi la Asosia per Psicoanalise Libre en 1911. Esta organiza ia deveni la Asosia per Psicolojia Individua en la anio seguente. En la Gera Mundal 1, Adler ia es un mediciste en la armada de Osteraic, prima a la frontera Rusce, e plu tarda a un ospital per enfantes. El se mesma ia vide la dana cual la gera fa, e se pensas ia verje plu a la conseta de interesa sosial. El crede ce, si umanas ta supravive, los debe cambia se modos! Pos la gera, el ia es envolveda en projetas varios, incluinte clinicas juntada a scolas de stato e la instrui de instruores. En 1926, el ia vade a la Statos Unida per presenta lesones, e ultima el ia aseta un posto a la Universia de Medica de Long Island. En 1934, el e se familia ia parti de Wien per sempre. A 28 Maia 1937, entra un serie de lesones a la Universia de Aberdeen, el ia mori de un ataca de cor.