| rdfs:comment | - Moliere es la nom teatral de Jean-Baptiste Poquelin (1622-1673), un dramiste franses e un de la scrivores la plu grande de comedia. Asta la eda presente, se jenero comica universal continua diverti la popla, e se teatrales es frecuente produida e multe traduida tra la mundo total. Se satiras, dirijeda contra la costumes sosial ce ofende la natur, desinia un pitur esata de la sosia franses contempora. El es la mestre de critica agu, an cuando el atenta teni un simpatia sutil.
|
| abstract | - Moliere es la nom teatral de Jean-Baptiste Poquelin (1622-1673), un dramiste franses e un de la scrivores la plu grande de comedia. Asta la eda presente, se jenero comica universal continua diverti la popla, e se teatrales es frecuente produida e multe traduida tra la mundo total. Moliere ia nase en Paris. En 1634 el ia junta se a un compania teatral. La grupo, ci Moliere ia noma Ilustre Teatre ("Teatro luminada"), ia fa presentas en Paris e ia turi la vilas tra 13 anios. En 1659, los ia presenta La femes riable finjos. Esta opera ia provoca un tempeste de amira en Paris. De alora asta se mori, a la min un de se comedias ia es produida a cada anio. La scola per sposas (1662) ia es un rompe con la abitua de farsa, e on considera ce el es la prima de la operas seria-comica grande de leteratur franses. En Tartuffe ("Ipocrita relijios") el ia inventa un de se tipos comica famos sur la crede finjente. Esta paso ia es tan osante ce Re Louis 14, an si divertida par Tartuffe, no ia permete la publici de esta tra 5 anios, temente ce el ta ofende la pretes potios franses. Le misanthrope ("La odior de umanas") es considerada como trajedia car el no ia fini felis. Entre la pesos la plu impresante de Moliere es La avar (1668) e La medicor contra se mesma. La senior aspirante es un comedia baletial ce burla un mercator de veste, susedos ma naive, ci aspira la invita en corte. La comedia ultima, La malada imajinal (1673) segue la costum de satira sur la medica ce ia es vasta sperdeda en leteratur de sentenios 16 e 17. Se satiras, dirijeda contra la costumes sosial ce ofende la natur, desinia un pitur esata de la sosia franses contempora. El es la mestre de critica agu, an cuando el atenta teni un simpatia sutil.
|
