| abstract | - En elefen, prenomes es parolas cual presede la nom e ave roles spesial. Multe de los pote es usada como pronomes, e algas pote es ance usada como averbos. Alga prenomes (e la sufisa "-s" de la plural) indica ce un nom es presente. Linguistes nomi los determinantes. Nomes ce no nesesa un determinante inclui la nomes propre, la nomes de la dias e menses, e la nomes de linguas. La prenomes ave un ordina costumal cual on pote recorda par la formula "tota la multe bon omes":
* Tota, e ambos es "predeterminantes" e vade prima.
* La, esta, acel, ce, cual, cuanto, cualce, cada, alga, no, me, tu, se, nos, e vos es determinantes propre e vade du. Sola un de los es usada en un formula de nom.
* Un, du, tre..., multe, poca, plu, la plu, min, la min, cuanto, tal, otra, e la mesma es "posdeterminantes", e vade tre. On pote usa plu ce un de los.
* Bon e mal es ajetivos comun, e vade cuatro. Los pote vade pos la nom ance.
|
