| abstract | - Arcimede (287-212 AEC) ia es un matematiciste e inventor elinica, ci ia scrive operas importante sur jeometria plana, aritmetica e macinia. Arcimede ia nase en Sisilia e ia instrui se en Misre. El ia es la plu bon conoseda per se descovre de la Prinsipe de Arcimede: un ojeto sumerjida en un licuida esperia un fortia de flota egal a la pesa de la licuida ce el desloca. A su es un imaje de la Vise de Arcimede: un aparato per pompa licuidas. En matematica pur, Arcimede ia preconose multe de la descovres de siensa moderna, como la calcula integral, par se studias de la areas e volumes de figures solida curvida e la areas de figures plana. El ia proba ce la volum de un sfera es du tris de la volum de un silindro ce ambie la sfera. Varios de se operas sur matematica e macinia survive aora, incluinte Sur corpos flotante, Sur arena, Sur la mesura de un sircula, Sur spiras, e Sur la sfera e la silindre.
|
